Jawani Zindagani Hay Saba Akbarabadi Poetry ( Best Ghazal)

 

Jawani Zindagani Hay Saba Akbarabadi Poetry - Best Ghazal Shayari

 صبا اکبر آبادی

جوانی زندگانی ہے نہ تم سمجھے نہ ہم سمجھے
یہ اک ایسی کہانی ہے نہ تم سمجھے نہ ہم سمجھے

ہمارے اور تمھارے واسطے میں اک نیا پن تھا
مگر دنیا پرانی ہے، نہ تم سمجھے نہ ہم سمجھے

عیاں کر دی ہر اک پر ہم نے اپنی داستان دل
یہ کس کس سے چھپانی ہے، نہ تم سمجھے نہ ہم سمجھے

جہاں دو دل ملے ،دنیا نے کانٹے بو دئے اکثر
یہی اپنی کہانی ہے، نہ تم سمجھے نہ ہم سمجھے

,

محبت ہم نے تم نے ایک وقتی چیز سمجھی تھی
محبت جاودانی ہے، نہ تم سمجھے نہ ہم سمجھے
 

گزاری ہے جوانی روٹھنے میں اور منانے میں
گھڑی بھر کی جوانی ہے نہ تم سمجھے نہ ہم سمجھے

,
متاعِ حسن و الفت پر یقین کتنا تھا دونوں کو
یہاں ہر چیز فانی ہے نہ تم سمجھے نہ ہم سمجھے

ادائے کم نگاہی نے کیا رسوا محبت کو
یہ کس کی مہربانی ہے، نہ تم سمجھے نہ ہم سمجھے

--------------------------------------------------------------

Related Urdu Poetry:

Sab Jurm Meri Zaat Se Mohsin Naqvi

Badal Gaye Mere Mossam Best Shayari (Farhat Abbas Shah)

Khatt Ke Sad Urdu Shayari

allama iqbal poetry in urdu